ՄՐՋՆԱԲՈՒՅՆ

Բաղադրիչներ.
ալյուր – 3,5 բաժակ,
շաքարավազ – կես բաժակ,
թթվասեր – 200 գ,
կարագ- 200 գ,
աղ – մի պտղունց,
սոդա – կես .թ գդ.,
եփած խտացրած կաթ – 1 տուփ,
կարագ – 200 գ, վանիլ

Ալյուրը մաղել, ավելացնել սոդան: Ավելացնել փափկած կարագը, շաքարավազը, թթվասերն ու խառնել: Խմոր հունցել, բաժանել գնդերի և սառեցնել սառցախցիկում: Սառած գնդերը հանել, քերիչով անցկացնել, ջեռոցի տապակի մեջ լցնել, բովել: Անընդհատ խառնել, որպեսզի խմորի գնդիկները համաչափ թխվեն: Այսպես հերթով թխել բոլոր գնդերը, թողնել սառչեն: Կրեմի կարագը հարել, գդալ-գդալ ավելացնել խտացրած կաթը: Երբ կրեմը համասեռ դառնա, ավելացնել վանիլը: Խորը թասի մեջ լցնել խմորի փշուրները, կրեմը, լավ խառնել: Ապա ձև տալ ձեռքով, կարելի է մեկ ամբողջական տորթ ձևավորել, կարելի է կոների տեսքով թխվածքաբլիթներ անել կամ դնել ձևավոր կաղապարների մեջ: Դնել սառը տեղ, ապա զարդարել քերած շոկոլադով և մատուցել:

ԹԽՎԱԾՔԱԲԼԻԹ «ՍԻԳԱՐԵՏ»

Բաղադրիչներ.
թթվասեր – 2 բաժակ,
կարագ – 200 գ,
սոդա – դանակի ծայրով,
ալյուր – 3 բաժակ,
ընկույզի միջուկ – 1 բաժակ,
շաքարավազ - 1 բաժակ,
դարչին,
ձու – 3 հատ,
շաքարի փոշի

Կարագը թողնել սենյակային ջերմաստիճանում, փափկելուց հետո այն խառնել թթվասերին: Երկու ձուն կոտրել, հարել, լցնել թթվասերի մեջ, մեկը թողնել միջուկի և վրան քսելու համար: Թթվասերի խառնուրդին աստիճանաբար ավելացնել մաղած ալյուրը, մի փոքր սոդա: Խմոր հունցել, դնել մի կողմ: Պատրաստել միջուկը: Ընկույզը մանրացնել, խառնել շաքարավազին, ավելացնել մի քիչ դարչին և մեկ ձվի սպիտակուցը: Լավ խառնել: Խմորը բաժանել գնդերի: Ամեն գունդը բացել, եռանկյունաձև կտրատել: Յուրաքանչյուր եռանկյունու լայն մասում մի փոքր միջուկ դնել, գլանակի պես փաթաթել: «Սիգարետները»շարել տապակի մեջ, թխել 180 աստիճանում, մինչև թեթև վարդագույն երանգ ստանան: Ապա հանել, թողնել սառչեն, և շաքարի փոշի ցանել վրան:

ՌՇՏԱ-ՀԱԼՎԱ

Բաղադրիչներ.

խմորի համար.

ձու – 5 հատ,

ալյուր – 3 բաժակ,

աղ – 1 թ. գդ.,

շաքարավազ – 1 թ. գդ,

քաղցրաջրի համար .

մեղր – 1 բաժակ,

շաքարավազ – կես բաժակ,

բուսայուղ խմորը բովելու համար

Ալյուրը մաղել, բլրակի ձև տալ, գագաթին փոս անել: Ձուն կոտրել, աղն ու շաքարավազը լցնել, ձեռքով խառնել: Ավելացնել այնքան ջուր, որ ստացվի պինդ խմոր: Խմորը գնդել, թողնել հանգստանա մի քանի րոպե: Հետո բարակ բացել, գլանաձև փաթաթել: Խմորի գլանակը սուր դանակով շատ բարակ կտրատել: Կստացվեն բարակ ու երկար խմորի զոլեր: Առատ ալյուր ցանել սեղանին, խմորի շերտերը մատներով առանձնացնել, ձգել-երկարեցնել: Հետո առանձնացված խմորները թափ տալ` ավելորդ ալյուրից ազատվելու համար: Խորը թավայի մեջ առատ բուսայուղ լցնել: Խմորը բովել թեժ կրակի վրա, մինչև այն դառնա բաց շագանակագույն: Ապա բովված «արիշտան» տեղափոխել մատուցվող ափսեի մեջ, սեղմել թիակով, կարելի է փաթաթել, կծիկի ձև տալ: Կարելի է ընկույզով կամ չրերեվ միջուկ տեղադրել խմորի մեջ: Նախապես եփել մեղրն ու շաքարավազը` դնելով շատ մարմանդ կրակին: Քաղցրաջուրը լցնել բոված խմորի վրա, ևս մեկ անգամ սեղմել բոլոր կողմերից, որպեսզի խմորի բոլոր փշուրները միասնանան և ստանան ամբողջական տեսք:

ԽՆՁՈՐՈՎ ԿԱՐԿԱՆԴԱԿ

Բաղադրիչներ.
խնձոր – 500 գ,
շաքարավազ – 1 բաժակ,
ձու – 3 հատ,
ալյուր – 1 բաժակ,
վանիլ – գդալի ծայրով,
թթվասեր – 2 ճ. գդ.,
բուսայուղ կամ կարագ – 1 սուրճի բաժակ

Ձուն հարել, ավելացնել շաքարավազը և խառնել, մինչև զանգվածը սպիտակի: Ավելացնել բուսայուղը, թթվասերը, խառնել: Աստիճանաբար խառնել ալյուրը, պետք է ստացվի մածուցիկ զանգված: Մի փոքր վանիլ ավելացնել: Խնձորը մաքրել, լվանալ, կտրատել: Կեղևը կարելի է թողնել: Խնձորի շերտերը լցնել տապակի մեջ, խմորը լցնել  վրան: Թխել 180 աստիճանում մոը 40 րոպե: Ստուգել չոփով, եթե այն չոր է դուրդ գալիս, խմորը թխվել է:

ԲԱԼՈՎ ԹԽՎԱԾՔ

Բաղադրիչներ.
բալ – 500-600 գ,
ալյուր – 1 բաժակ,
կարագ – 200 գ,
ձու –  5 հատ,
շաքարի փոշի – 1 բաժակ,
սոդա – 0.5 թ.գդ.,
վանիլ, ընկույզ կամ նուշ,

Կարագը հարել շաքարի հետ, ապա մեկ-մեկ խառնել ձվերը: Ավելացնել ալյուրի կեսը, վանիլն ու սոդան: Հետո խառնել մնացած ալյուրը: Տապակը յուղել, դնել խմորը: Խմորի վրա շարել անկորիզ բալերը: Բալը պետք է քամել, եթե պահածոյացված  կամ սառեցրած-հալեցրած է: Բալի վրա աղացած ընկույզ կամ նուշ շաղ տալ: Թխել 180 աստիճանում մոտ 35 րոպե: Վերջում շաքարի փոշի ցանել:

ՄՐԳԱՅԻՆ ՏՈՐԹ

Բաղադրիչներ.
ձու – 6 հատ,
շաքարավազ – 1 բաժակ,
ալյուր – 1 բաժակ,
ելակի խյուս – 1 բաժակ,
սոդա – 1 թ. գդ.,
կես կիտրոնի կեղև,
կրեմ.
մասկարպոնե – 300 գ,սպիտակ շոկոլադ – 100 գ,հատապտուղների խյուս – 100 գ,ձու – 2 հատ,յոգուրտ – 200 գ,ելակի թանձրահյութ – կես բաժակ,

շաքարավազ  - 250 գ,վանիլ, դարչին, ժելատին,շոկոլադ, հատապտուղներ զարդարելու համար: Սպիտակուցները դեղնուցներից առանձնացնել, հարել: Դեղնուցները շաքարի հետ հարել, խառնել սպիտակուցներին: Կիտրոնի կեղևը քերել խմորի մեջ, ավելացնել ելակի խյուսը: Սոդան լցնել ալյուրի վրա, ալյուրն աստիճանաբար խառնել մնացած բաղադրիչներին: Թխել 180 աստիճանում: Մասկարպոնեն խառնել դեղնուցներին, ավելացնել գոլորշու վրա հալեցրած շոկոլադը, յոգուրտը: Մի քիչ դարչին ու վանիլ ցանել կրեմի մեջ: Ժելատինը  թրջել մրգահյութի մեջ: Շաքարավազը խառնել մրգային խյուսին,սպիտակուցները հարել մի քիչ աղի հետ, աստիճանաբար խառնել մրգի ու ժելատինի հետ: Սպիտակուցի զանգվածը խառնել մասկարպոնեին և լցնել խմորի վրա: Տորթը տեղափոխել սառնարան: Զարդարել հատապտուղներով և շոկոլադով:

 ՈԶՆԻՆԵՐ

Բաղադրիչներ.
ձու – 6 հատ,
շաքարավազ – 2 բաժակ,
ալյուր – 3-3.5 բաժակ,
սոդա – 0.5 թ. գդ.,
թթվասեր – 2 բաժակ,
կարագ – 200 գր,
կրեմ.
կաթ – 2 բաժակ,
շաքարավազ – 1 բաժակ,ձու – 2 հատ,ալյուր – 2 ճ. գդ.,կարագ – 200 գ,վանիլ

Ձուն հարել, աստիճանաբար ավելացնել շաքարավազը: Երբ վերջինս ձուլվի, կստացվի սպիտակ համասեռ զանգված: Սոդան խառնել թթվասերին, երբ այն բարձրանա, խառնել ձվի զանգվածին: Ավելացնել նաև փափկած կարագը: Երբ այն ձուլվի, քիչ-քիչ ալյուրն ավելացնել: Խմորը պետք է մածուցիկ ու փափուկ ստացվի: Տապակը ծածկել յուղաթղթով, խմորը լցնել և թխել 180 աստիճանում: Չոփով ստուգել՝ թխվել է, թե ոչ: Եթե չոփը խմորի միջից չոր դուրս գա, խմորը պատրաստ է: Կրեմի համար կաթն ու շաքարավազը տաքացնել, անընդհատ խառնել: Ձուն առանձին ամանի մեջ հարել, խառնել ալյուրին, մի քիչ տաք կաթ լցնել վրան ու խառնել: Բարակ շիթով ձուն լցնել տաք կաթի մեջ, արագ-արագ խառնել, որ ձուն չհասցնի եփվել: Խառնելով եփել, մինչև կրեմը թանձրանա: Վերցնել կրակից, թողնել սառչի: Առանձին ամանի մեջ կարագը հարել: Գդալ-գդալ սառած կրեմից լցնել կարագի վրա և խառնել: Երբ ողջ կրեմն ու կարագը խառնվեն, մի քիչ վանիլ ավելացնել: Խմորը կլոր-կլոր կտրատել գործիքով կամ բաժակով: Ամեն օղակը կիսել, մեջտեղում կրեմ քսել: Ավելացած ողջ խմորը փշրել: Խմորի ամեն օղակ կրեմով պատել, թավալել խմորի փշրանքի մեջ: Կարելի է վերջում շաքարի փոշի ցանել թխվածքաբլիթների վրա:

ԸՆԿՈՒՅԶՈՎ ԿԱՐԿԱՆԴԱԿ

Բաղադրիչներ.
կարագ – 200 գ,
շաքարավազ – 100 գ,
ձու – 2 հատ,
սոդա – 1 թ. գդ.,
ալյուր – 2 բաժակ,
միջուկ.
ընկույզ – 2 բաժակ,
շաքարավազ – 1 բաժակ,սերուցք – 1.5 բաժակ,մեղր – 2 ճ. գդ.,շաքարի փոշի

Կարագը թողնել փափկի, հարել շաքարավազի հետ: Ձուն կոտրել, թեթևակի հարել և խառնել կարագի զանգվածին: Սոդան խառնել ալյուրին, ավելացնել ձվի զանգվածին: Խմորը դնել սառնարանի մեջ: Ընկույզը մանրացնել կամ աղալ: Շաքարը լցնել չոր թավայի մեջ, դնել շատ թույլ կրակին և խառնել այնքան, որ այն հալվի և գույնը փոխվի: Ավելացնել մեղրը, խառնել: Ավելացնել նաև սերուցքը, խառնել, եռալուն պես խառնել ընկույզը և վերցնել կրակից: Խմորը բաժանել երկու մասի, մի մասը բացել, դնել յուղած տապակի մեջ: Ընկույզի միջուկը տարածել խմորի վրա, ծածկել երկրորդ շերտով: Եզրերն ամրացնել, դնել 180 աստիճան տաք ջեռոցի մեջ 35-40 րոպե: Հանել, թողնել սառչի, վրան շաքարի փոշի ցանել:

ՆՈՒՇՈՎ ԹԽՎԱԾՔԱԲԼԻԹ

Բաղադրիչներ.
նուշ – 400 գ,
շաքարավազ – 1 բաժակ,
ձու – 2 հատ,
վանիլ

Նուշը տաք ջրով թրջել: Տասը-տասնհինգ րոպե անց քամել, կեղևը մաքրել, աղալ կամ բլենդերով մանրացնել: Շաքարավազը, վանիլը և աղացած նուշը խառնել: Ձուն հարել, խառնել մնացած զանգվածին: Տապակը ծածկել յուղաթղթով, զանգվածից բլիթներ անել, դնել տապակի վրա: Թխել 180 աստիճանում քսան րոպե:

ԿՈՒԼԻՉ. ՍԼԱՎՈՆԱԿԱՆ ԶԱՏԻԿ

Բաղադրիչներ.
ալյուր — 2 կգ,
կաթ — 1 լ,
ձու — 3 հատ,
կարագ — 250 գ,
խմորիչ — 1 տուփ,
շաքարավազ — 2,5 բաժակ,
վանիլային շաքար — 2 տուփ,
աղ,չամիչ — 400 գ

Գոլ կաթի մեջ բացել խմորիչը, 20 րոպե անց խառնել բոլոր բաղադրիչները բացի չամիչից: Մեկ կգ ալյուրը ավելացնել, եթե հարկ լինի, էլի ավելացնել, կախված է ալյուր որակից: Վերջում լցնել չամիչը: Ծածկել, թողնել տաք տեղում մնա երկու ժամ: Ջեռոցը տաքացնել 180 աստիճան: Տապակը կամ փոքրիկ ամանները յուղել, ալյուր ցանել, կարելի է օգտագործել պահածոյի դատարկ տուփեր: Խմորով լցնել տարայի 2/3-ը, թողնել կես ժամ: Իսկական պասկան պիտի բարձրանա ամանից  3 սմ բարձր: Թխվելուց հտո սնկի տեսք է ունենում: Թխել 30-40 րոպե: Տաք պասկաները` կուլիչը ծածկել շաքարի հետ հարած սպիտակուցով: Վրան ցանել քունութ կամ բազմագույն մանր կոնֆետներ:

ԿԻՏՐՈՆՈՎ ՏՈՐԹ

Բաղադրիչներ.
խմոր.
ձու – 4 հատ,
շաքարավազ – 1 բաժակ,
կիտրոն – 2 հատ,
փխրեցուցիչ – 1 թ. գդ.,
սոդա – 1/2 թ. գդ.,
ալյուր – 1,5 բաժակ,կրեմ.կիտրոն – 1 հատ,բարձր յուղայնությամբ թթվասեր – 300 գ,շաքարավազ- 1 բաժակ,կիտրոն զարդարանքի համար – 1 հատ:Խմորի և կրեմի համար նախատեսված կիտրոնները լվանալ, կտրատել, դնել կաթսայի մեջ, ջուր լցնել վրան և եփել 15 րոպե: Եփված կիտրոնը աղալ: Ձուն հարել շաքարավազի հետ, խառնել կիտրոնի զանգվածի 2/3 մասը: Ալյուրը մաղել, խառնել սոդային և փխրեցուցչին: Ալյուրն ու ձվով զանգվածը խառնել: Տապակի մեջ յուղաթուղթ դնել, խմորը լցնել, թխել 200 աստիճանում: Թխված խմորը կիսել: Թթվասերը հարել շաքարավազի հետ ու ավելացնել կիտրոնի մնացած մասը: Լավ խառնել կրեմը: Խմորի մի կեսին քսել կրեմը, ծածկել երկրորդ կեսով, դնել սառնարանի մեջ մի քանի ժամ: Հանել, զարդարել կիտրոնի շերտիկներով:

ՏՈՐԹ «ՀԱՄԵՂ»

Բաղադրիչներ.
ձու – 4 հատ,
շաքարավազ – 1,5 բաժակ,
ալյուր – 3 բաժակ,
կակաո – 4 ճ. գդ.,
սոդա – 1 թ. գդ.,
թթվասեր – 400 գ,
կրեմ.
թթվասեր – 400 գ,
շաքարավազ – 1 բաժակ,
զարդարելու համար ընկույզ կամ նուշ, շոկոլադ

Ձուն հարել, ավելացնել շաքարավազը: Սոդան թթվասերին խառնել, ավելացնել ձվի խառնուրդին: Աստիճանաբար ավելացնել ալյուրը: Խմորը բաժանել երկու մասի և թխել մոտ կես ժամ 180 աստիճանում: Կրեմի համար թթվասերը հարել շաքարավազի հետ: Խմորի մի շերտը կիսել, թթվասերի կրեմ քսել, մյուս կեսով ծածկել: Մյուս շերտը կտրատել, ինչպես պատրաստի տորթն են կտրում, թաթախել կրեմի մեջ և թեք-թեք շարել մյուս շերտի վրա: Տորթը ծածկել քերած շոկոլադով և ընկույզի կամ նուշի փշրանքով:

ՏՈՐԹ «ԿԻԵՎՅԱՆ»

Բաղադրիչներ.

բոված, կտրատած ընկույզ – 1 բաժակ,
շաքարավազ – 1 բաժակ,
ձվի սպիտակուց – 10 հատ,
վանիլին,
ալյուր – 1.5 ճ. գդ.,

սերուցքային կրեմ.
շաքարի փոշի – 100 գ,կարագ – 200 գ,խտացրած կաթ – 3 ճ. գդ.,կոնյակ – 1 ճ. գդ.,շոկոլադե կրեմ.շաքարի փոշի – 100 գ,կարագ – 200 գ,խտացրած կաթ – 3 ճ. գդ.,կոնյակ – 2 ճ. գդ.,կակաո – 2 ճ. գդ.,վանիլին: Սպիտակուցներն առանձնացնել դեղնուցներից: Սպիտակուցները հարել մինչև անշարժ փրփուր դառնան: Աստիճանաբար ավելացնել վանիլի և շաքարավազի խառնուրդը: Լրիվ խառնելուց հետո ավելացնել մանրացված ընկույզը: Ավելացնել նաև ալյուրն և բաժանել երկու մասի: Տապակին յուղաթուղթ դնել, տարածել խմորը: թխել 140-160 աստիճանում 2-2,5 ժամ: Թողնել սառչի, թուղթը հանել, քսել սերուցքային կրեմը: Վրան քսել շոկոլադե կրեմը: Ծածկել երկրորդ խմորով, նորից րեմ քսել: Զարդարել կրեմով և չրերով:

ԲԱՆԱՆՈՎ ՏՈՆԱԿԱՆ ՏՈՐԹ

Բաղադրիչներ.
խմոր.
ձու – 3 հատ,
մայոնեզ – 250 գ,
խտացրած կաթ – 1 տուփ,
սոդա – 1 թ. գդ.,
ալյուր – 1,5 բաժակ,
վանիլին – 1 թ. գդ.,կրեմ.թթվասեր – 100 գ,շաքարավազ – 1 բաժակ,
միջուկ.բանան –  2 կգ,ընկույզ կտրատած – կես բաժակ:Ձուն հարել, ավելացնել խտացրած կաթն ու մայոնեզը: Սոդան խառնել ալյուրին, աստիճանաբար ավելացնել ստացված խառնուրդին: Խմորը բաժանել երեք մասի, մի մասն ավելի քիչ: Կստացվեն երկու հաստ և մեկ բարակ շերտ: Թթվասերի կրեմի երկու երրորդը խառնել շաքարավազին: Մնացած թթվասերը քսել բարակ շերտին:  Մեկ հաստ շերտի միջուկը կտրել- հանել, փորած շերտը դնել բարակ շերտի վրա: Փորված միջուկի տեղում շարել կտրտած բանանի շերտեր, լցնել կրեմի կեսը: Մյուս հաստ շերտի միջուկը նույն ձևով կտրել-հանել: Կտրած տեղում լցնել բանանի և կրեմի մնացած կեսը: Տորթը ծածկել կտրած խմորով, կրեմով միմյանց միացնել, կրեմով ծածկել և զարդարել կտրատած ընկույզով:

ԵՌԱՇԵՐՏ ՏՈՐԹ

Բաղադրիչներ.
ձու – 3 հատ,
խտացրած կաթ – 1 տուփ,
ալյուր – 2 բաժակ,
լալա (мак) – 70-100 գ,
ընկույզ – 70 գ,
սոդա – 1 թ. գդ.,
կեֆիր կամ մածուն – 150 մլ,կակաո – -3-4 ճ. գդ.,չամիչ – 50-70 գ,
կրեմ.կարագ – 200-250 գ, խտացրած կաթ – 1 տուփ Ձուն հարել, սպիտակեցնել: Աստիճանաբար ավելացնել խտացրած կաթը: Կեֆիրին սոդա խառնել, խառնել ձվին: Ալյուրը մաղել և գդալ-գդալ խառնել ստացված զանգվածին: Խմորը երեք մասի բաժանել: Մի մասին խառնել չամիչը, մյուսին կակաոն և կտրատած ընկույզը, երրորդին լալան: Թխել երեք շերտը 220С-ում: Կրեմի համար փափկած կարագը հարել, ավելացնել խտացրած կաթը: Նախ դնել չամիչով շերտը, կրեմ քսել, դնել ընկույզով շերտը, կրեմ քսել: Ամենավերջում դնել լալայով շերտը, կրեմ քսել: Զարդարել քերած շոկոլադով կամ ընկույզով:

ԵԼԱԿՈՎ ԳԼԱՆԱԿՆԵՐ

Բաղադրիչներ.

մարգարին – 1 տուփ,
ալյուր – 4 բաժակ,
շաքարավազ – 1 ճ. գդ.,
դեղնուց – 4 հատ,
թթվասեր – 200 գ,
աղ – մի պտղունց

միջուկ.
սպիտակուց – 4 հատ,
շաքարավազ – 4 ճ. գդ.,վանիլին,ելակ կամ այլ հատապտուղներ

Ալյուրն ու մարգարինը տրորել, խառնել, ավելացնել շաքարավազը, դեղնուցը,

թթվասերն ու աղը: Խմորը հունցել և դնել սառնարանի մեջ մեկ-երկու ժամ: Բարակ բացել խմորը և զոլերով կտրատել: Երկար խմորի շերտերը փաթաթել հատուկ կաղապարի վրա, որը նախապես հարկ է յուղել: Խմորը փաթաթել պարուրաձև և ոչ շատ խիտ, որ գլանակը չքանդվի: Մինչև վերջ փափաթել պետք չէ, խմորը պոկելը դժվար կլինի: Տապակը ևս յուղել և շարել գլանակները: Ջեռոցը 200 աստիճան տաքացնել և թխել խմորը մոտ 20 րոպե: Թողնել հովանա: Հանել, կաղապարի նեղ կողմը սեղանին խփելով: Սառեցրած սպիտակուցները հարել շաքարավազի հետ, վանիլ ավելացնել: Երբ անշարժ փրփուր դառնա, լցնել խմորի մեջ: Վրան դնել հատապտուղներ: Կարելի է երկու կողմից կրեմ լցնել, որ դատարկ տեղ չմնա:

ԿԻՏՐՈՆՈՎ ԿԱՐԿԱՆԴԱԿ

Բաղադրիչներ.

կիտրոն – 4 հատ,
շաքարավազ – 200 գ,
կարագ – 50 գ,
ձու – 4 հատ,
օսլա – 1 ճ. գդ.,
ալյուր – 250 գ,
կարագ կամ մարգարին – 120 գ,
շաքարավազ – 100 գ,
դեղնուց – 1 հատ,աղ – 1 պտղունց: Ալյուրը մաղել, խառնել, մարգարինը, աղը, տրորել ձեռքով: Երբ ալյուրն ու մարգարինը խառնվեն, ավելացնել դեղնուցը, խառնել: Աստիճանաբար ավելացնել սառը ջուրը, մոտ մեկ-երկու գդալ: Պետք է ստացվի առաձիգ խմոր: Խմորը հունել և քսան րոպեով դնել սառնարանի մեջ: Երկու կիտրոնների կեղևը մանր քերիչով անցկացնել: Կիտրոնների հյութը քամել: Շաքարավազն ու հյութը խառնել, որքան հնարավոր է: Օսլան մի քիչ ջրի մեջ բացել: Օսլան ավելացնել կիտրոնի հյութի խառնուրդին: Լավ խառնել: Խմորը բացել, դնել տապակի մեջ այնպես, որ եզրերը կպչեն տապակի կողքերին: Դանակով եզրերը հավասարեցնել: Պատառաքաղով ծակծկել խմորը: Վրան լցնել ձվի և կիտրոնի խառնուրդը, կարելի է մի քիչ կարագ լցնել, որ կարմիր կեղև ստացվի:  Թխել 180°С ջեռոցի մեջ 35-40 րոպե:

ՏՈՐԹ «ՍՆԻԿԵՐՍ»

Բաղադրիչներ.
ձու – 3 հատ,
շաքարավազ – 1 բաժակ,
մարգարին կամ կարագ – 100 գ,
մեղր – 3 ճ. գդ.,
քացախ – 1 ճ. գդ.,
սոդա – 2 թ. գդ.,
ալյուր – 2.5-3 բաժակ
կրեմ.
եփած խտացրած կաթ – 1 տուփ,կարագ  - 200 գ,գետնանուշ – 400 գ, գլազուր կամ հալած շոկոլադ զարդարելու համար:Ձուն, շաքարավազը, մարգարինը, մեղրը, քացախն ու սոդան լցնել էմալապատ թասի մեջ և դնել գոլորշու վրա: Եփել այնքան ժամանակ, մինչև ծավալը մեծանա: Երբ խմորը գույնը փոխի, վերցել և արագ խառնել ալյուրը: Բաժանել երկու գնդի և թխել: Չթողնել, որ շատ չորանա: Կրեմի կարագը հարել, քիչ-քիչ ավելացնել խտացրած կաթը: Գետնանուշի մի մասը թողնել զարդարելու համար, մնացածը ոչ շատ մանր կտրատել: Կտրատած գետնանուշը խառնել կրեմին: Խմորի մի շերտը դնել, քսել կրեմը, ծածկել երկրորդ շերտով: Տորթի վրա գլազուր կամ հալած շոկոլադ քսել, վրան շաղ տալ գետնանուշ: